Mere dost Suresh, aaj tumhari bahut yad aa rahi hai. Tumhi ne kaha tha na Meeta pe kabhi bharosa mat karna. Vo achchhi ladki nahin hai. usne tumhare sath pyar ka natak kiya. 2 sal tak tumhari GF ban ke rahi. College mein, movies mein, parks mein, har jagah tumhare sath rahti thi.
Lekin ek din usne tumse kaha ki tum uske layak nahi ho. use tumse jyada pyar karne vala Boy friend mil gaya hai jo tum se jyada uski care karta hai. Aur usne tumse ye bhi kaha tha ki us ladke ki financial position bhi tum se jyada achchi hai. aakhir har ladki apna future secure karna chahti hai.
Aaj tumhara ye letter lekar main apne hostel ke kamre mein rat ke 3 baje akela baitha hun. nahi, ro nahi raha. ab aansu nahi aate. bahut din ho gaye rote rote, ab aankhon ka pani sukh gaya hai. ab bas dard uthataa hai aur yad aati hai – tumhari mere dost Suresh… aur us bewafa ki … Meeta ki !
Lekin main use Bewafa kyun kah raha hun……? aur mere dost mujhe tumhari yad kyun aa rahi hai…….?????
Ye ek badi lambi kahani hai ….
Koi 5 sal pahle ki bat hai main apne shahar se Delhi mein padhne aaya. marks achche the. Hostel mil gaya. sab thik tha. jaise hota hai, dost bhi banne shuru ho gaye. vahin par ek ladke se dosti hui … Suresh nam tha uska. bareilly ka rahne vala tha. main rampur mein rahta tha. Ghar se vapas aate samay hamari dosti train mein kuchh jyada pakki ho gai. aur bas fir to hamesha sath sath hi dikhte ham donon. jigri yar kahte the sab hamein.
2 sal beet gaye. fir aai Meeta aur aai kya bas Suresh ko apne pyaar mein uda ke le gai. Vo meri junior thi. ek din canteen mein maine use Suresh se milwaya. pata nahi kya chemistry hui donon mein ki bas 4-5 din mein hi donon ko to jaise par lag gaye. deen duniya se bekhabar, hamesha ek dusre ke sath, ek dusre ke khayalon mein khoye hue. 2 weeks bhi nahi hue the ki I love propose bhi ho gaya aur Meeta ne accept bhi kar liya. Sunte the ki chandigarh ki girls fast hoti hain. dekh bhi liya.
Khair, ab main akela hi jyada rahta. dheere dheere ek jalan si paida ho gai mujhe. darasal, suresh ki dosti itni gahri thi ki meri aur kisi se khas dosti hi nahi hui kabhi. bahut akela rahne laga main. to ek din un donon ko canteen ke pas k ped ke pichhe kiss karte dekh liya . bas jaise jalan aa gai dil mein. socha, maine hi milwaya is ladki se aur aaj ye donon mujhe bhav tak nahi dete. dimag mein shaitan ne ghar kar liya.
kiss ye ki main paise ke mamle mein jyada maldar tha. to maine trick lagai aur dhire se un donon ke sath rahne ki try karne laga. suresh se to dosti thi hi, Meeta ke sath jaldi hi frindship ho gai. main aise dikhata jaise ki mera un donon se bas dosti ka interest hai, aur kuchh nahi, lekin har jagah paise kharch karta. achche achche gift deta. sale donon ko gift dene padte dosti ke dikhave mein. maine man mein socha ki investment hai, vasul kar lunga.
bahut vaqt laga. 2 sal beet gaye karib karib. ab tak Meeta aur main itne khul gaye the ki kabhi kabhi main use apni bike pe ghumane le jata to Suresh kuchh nahi kahta tha. meeta bhi aaraam se mere sath chal deti thi.
fir ek bar Suresh kisi kam se ghar gaya to bimaar pad gaya. bas 10-15 din mera chance lag gaya. main roz pahunch jata Meeta ke pas aur ham ghumne chale jate. Meeta ne ek din bhi sankoch nahi kiya sath chalne mein. mera man mein pakka baith gaya ki Meeta man jayegi agar main propose kar dun to.
bas, ek din Sunday ko main use ek badhiya resturent mein le gaya. dinner karaya aur aur fir walk karte hue vapas aate samay maine use propose kar diya. sath mein ek ring bhi di. usne kaha ki bad mein soch ke bateyegi.
agle din subah neend khuli to dekha uska sms aaya tha – mujhe accept hai !
main to bistar se aisa uchhlaa ki puchho mat.
agle 2 din mein pure college mein bat fail gai ki Meri aur Meeta ka pair ban gaya hai. Suresh kareeb 1 mahine bad aaya to seedha meeta ke pas gaya. par vo to mere sath fans gai thi. usne Suresh ko saf mana kar diya – Boli tum mere layak nahi ho. Achcha hua jo tum kuchh din ke liye ghar gaye varna main to apne bare mein sahi galat soch hi nahi pati. aaj mujhe tumse jyada achcha aur standing vala ladka mil gaya hai jo tumse jyada meri care karta hai.
Suresh ne bahut koshish ki, pyar ka vasta diya lekin Meeta ne use berang lauta diya…
Agle din jab main utha to hostel mein shor macha hua tha. maine puchha kya hua to pata chala ki Suresh ne pankhe se latak kar apni jan de di thi. main to sann rah gaya. himmat nahi hui jakar dekhne ki. sar jhukaye bed pe baitha to ek kagaj pe najar padi jo mere door se andar sarkaya hua tha. utha ke dekha to suresh ne mere nam ek letter likha hua tha.
vahi letter le kar aaj main apne kamre mein baitha hun aur tumhe yaad kar raha hun Suresh mere dost. Us din maine tumhara letter chupchap apni almari mein chhupa diya aur kisi ko kuchh nahi bataya. tab to mere upar Meeta ka bhut sawar tha. main is raj ko dafan kar gaya aur log bas andaja hi lagate rahe ki suresh ne Meeta ke pyaar mein sucide kar li. par koi sabut nahi tha na kisi ka nam aaya. kunki letter to mere pas tha. Suresh ko kya pata tha ki jise vo apna dost samajh kar letter likh raha hai vahi vo ladka hai jise uski girl friend ne payaar kiya hai use chhodkar.
lkin aaj fir main is letter ko padh raha hun. aur tumhe yaad kar raha hun…. aur yaad kar raha hun us bewafa ko…. us Meeta nam ki bewafa ko…. jisne do do bar pyaar karne valon ko chhod kar kisi aur ke sath dil laga liya…..
haan, yahi sach hai… us dhokhebaj, dagabaj ladki ne ,….. Meeta ne….. mujhe bhi daga de kar ek aur ladke se dil laga liya hai…. mujhse to usne bat tak nahi is bare mein… milne tak se mana kar diya… apni saheli se kahlwa diya ki vo meri surat nahi dekhni chahti….
aur bas do din se apne kamre mein baitha hun…. aur yaad kar raha hun mere dost Suresh tumhein aur us Bewafa Meeta ko, jisne ham don doston ko dhokha diya…….
par dhokha to maine bhi tumhe diya mere dost…. !! kya mujhe usi ki saja mili?
tumne likha tha ki Meeta – Kash tune dhokha na diya hota!….. main sochta hun ki suresh – kash maine tumhein dhokha na diya hota mere dost…..
main to kisi ke nam khat bhi nahi likh sakta ….. !
Comments
Post a Comment